مبروك...هتفضلوا قرود

كان ياما كان كان فيه عالم حب يعمل شوية ألبندة ويجرب شوية حاجات على القرود
راح جايب 3 قرود حطهم في قفص وحط معاهم في القفص سباطة موز المهم طبعا قرد من القرود كان جعان شوية راح ناحية الموز فراح نازل على القرود دش مايه ساقعة فراح القرد خاف وساب الموز بعد شوية قرد تاني راح يجيب موز راح نازل عليهم دش ماية ساقعة تاني وبعد تكرار العملية بقا اي حد من القرود يروح يجيب موز بقا بقية القرود تمنعه بالضرب خوفا من الدش البارد .. راح العالم طلع قرد من القرود ودخل قرد جديد طبعا القرد الجديد داخل مش فاهم حاجة راح ناحية الموز راح بقية القرود نزلت فيه ضرب راحت ساب الموز وبعد شوية راح العالم بدل قرد تاني بقرد جديد وحصل نفس العملية لكن المرة التانية لاحظوا ان القرد الجديد شارك في الضرب برضه مع انه مش عارف ليه او يمكن لمجرد انه انضرب... بعد فترة اتبدلت جميع القردة بقرود جديدة وثم قاموا بادخال قرد رابع جديد اليهم فراح ناحية الموز فالقرود كلها نزلت ضرب فيه
الملاحظ ان القرود الجديدة دي كلها متعرفش ايه سبب الضرب ومتعرفش هيحصل ايه لو راحوا ناحية الموز
لكن هم لاقوا نفسهم كده ... هم لاقوا الدنيا كده .. هم خافوا من التغيير .. هم معرفوش هيحصل ايه لو حاولوا
وهو ده حال الشعب المصري الي اتعود على حاجة ومش عارف يقول لأ ..ياريته مش عارف يقول لأ ده حتى محاولش يقول لأ ...مفكرش يقول لأ
احب اقول للشعب المصري مبروك .. هتفضلوا قرود طول حياتكم