مرة واحد صاحبي اخد المزة بتاعته ودخل سينما نضيفة كده موجودة في فندق وقعد في اخر صف
المهم صاحبي ده مش بيشوف المزة بتاعته الا كل فين وفين الي حصل بقا ان السينما كانت فاضية فصاحبي ما صدق مسك المزة قعد يبوس فيها ويحضن فيها يعني بوظ الدنيا على الاخر المهم ايه الي حصل بقا يا جدعان .... طلعت السينما متراقبة والسيكويرتي دخل نادالهم ووقف معاه برة قعد يقوله الي انت عملته ده غلط ومش عارف ايه وممكن اوديك في داهية واعمل قضية وبتاع ..صاحبي طبعا متهتش قاله
مفيش قضية هتتعمل اساسا وانا واصل وعارف فلان وفلان وفلان المهم صاحبي دماغه مقفلة واحد زي السيكيورتي ده لما يناديك بيعمل حاجة من التلاته : 1 لاما يقولك عيب كده يا كابتن وبتاع ومتعملهاش مرة تانية , 2 يطردك من المكان ,3 يكون عاوز قرشين فيقعد يعملك الحوار ده
المهم زي ما قلتلكم صاحبي طلع اهبل ومش فاهم الحوار ده قعد يتناقش معاه بتاع ساعتين ويزعق وحوارات لحد ما الواد زهق منه وقاله خلاص روح
المهم بقا حبيت اقولكم لو وقعت في اي مصيبة في البلد دي مشي نفسك بفلوسك
عود نفسك على طول يكون معاك 20 جنيه لوحدهم في المحفظة وانت سايق علشان الرخصة
و 5 جنيه في اي حتة فيها عامل علشان يخدمك
و 2 جنيه في اي حتة فيها اسانسير علشان تعرف تركب
طبعا انا لسه موصلتش للمبالغ الكبيرة
لما اوصلها هبقى اقولكم على الاوضاع ان شاء الله
ليست هناك تعليقات:
إرسال تعليق